Sigurisht që pas “Forever is over” nuk do ta linte me kaq.
Kjo sepse Elvana Gjata i ka synimet e qarta për të rrëmbyer suksesin ndërkombëtar në muzikë. Pas bashkëpunimit që bëri shumë zhurmë , me Poo Bear dhe David Guetta, 30 vjeçarja ka “shigjetuar” të radhës për bashkëpunim.

Me siguri nuk ua merr mendja cili është ai. Ledri Vula, i cili më parë ka bashkëpunuar me Flori Muamjesin, tani do të vijë me një bashkëpunim me Elvana Gjatën. Burime të sigurta pranë këngëtarëve kanë zbuluar se ata të dy do të vijnë këtë herë bashkë.

Kështu Ledri nuk është vetëm mashkulli i preferuar i femrave por edhe reperi i preferuar nga femrat për bashkëpunim. Mjafton të kujtojmë këtu bashkëpunimet e tij me Dafina Zeqirin apo Era Istrefin, dy këngëtare që kanë arritur të depërtojnë në muzikën ndërkombëtare. Radha është e Elvanës.